Қазақстандық орындаушы мен қытайлық JayTrue рэперінің бірлескен трегі жылдың ең үздік туындысы деп танылды
BikaBreezy лақап атымен танымал қазақстандық әнші Биназир Ермағанбетова Қытайда беделді музыкалық марапат алды. Оның қытайлық JayTrue рэперімен бірлесіп орындаған Bashi трегі Pop Songs Chart 2026 байқауында «Жыл әні» номинациясы бойынша топ жарды.
IMAGE Instagram BikaBreezy
IMAGE Instagram BikaBreezy
BikaBreezy қуанышты жаңалығымен әлеуметтік желіде бөлісіп, марапаттау рәсімінен видео жариялады. Әнші өз тыңдармандарына, сондай-ақ Bashi әнінің клубтарда шырқалып, би челленджі арқылы желіде кең таралуына үлес қосқан диджейлер мен бишілерге ерекше алғысын білдіреді.
«Менің музыкамды және мені әртіс ретінде мойындағаны үшін Қытай еліне алғыс айтамын. Қолдауларыңызға мың рахмет!»
Бұл марапат орындаушының Қытай музыка индустриясындағы тағы бір жарқын қадамы болды.