Михаил Шайдоров

Спорт тарихында жаңа парақ ашқан Олимпиада чемпионы

Қыста Михаил Шайдоров Миландағы Олимпиада мұзына шыққанда, оның осы жылдың ең жарқын спорттық жаңалықтарының авторы атанатынын ешкім күтпеген еді. Оның жеңіп алған алтыны – тек көп жылғы еңбек пен жеке амбицияның жемісі емес, бұл күллі Қазақстан үшін тарихи оқиға әрі ұлттық спорт тарихындағы сапалы серпіліс. Шайдоровтың жасөспірімдер арасындағы әлем чемпионатының күмісінен Олимпиада шыңына дейінгі жолы – еңбекқорлық пен сүйікті ісіне деген шексіз берілгендіктің ең үлкен дәлелі. Оның спортшы ретіндегі құндылығы қазірдің өзінде мұз айдынынан әлдеқайда асып түсті. «Мынау – жай ғана орындаушы» деген таптаурынды қалыптан бас тартып, спорт жүйесіндегі мәселелерді ашық айта білуі оны жаңа формация өкіліне айналдырып отыр. Шайдоров – интеллектуалды адалдық пен жаһандық ашықтықты таза орындалған секірістен кем көрмейтін отандық спортшылардың жаңа буынының бет-бейнесі.