Танымал бренд АҚШ-тың Шығыс жағалауында теннис, пилатес және уайымсыз демалысқа толы жазғы кеңістік ашты
Sporty & Rich – бұл салауатты өмір салты, теннис пен винтажды спорттық киімдер эстетикасын біріктіретін танымал америкалық бренд. Енді бренд өз тарихында алғаш рет жазғы резиденциясын іске қосты. Бұл ерекше жоба Нью-Йорктегі Шелтер аралында орналасқан The Pridwin Hotel & Cottages курортымен серіктестікте жасалған. Курорт аумағы толығымен Sporty & Rich-тің фирмалық стилінде безендірілген. Мұнда арнайы жасалған теннис корттары, логотиптері бар торлар, брендтелген қолшатырлар және жаттықтырушыларға арналған форма бар. Мұндағы барлық деталь қонақтар өздерін брендтің жарнамалық кампейнінің ішінде жүргендей сезінуі үшін ойластырылған.
Резиденция қонақтарын теннис сабақтары, Forma әдісі бойынша пилатес және тыныш әрі уайымсыз демалыс атмосферасы күтеді. Sporty & Rich-тің жазғы резиденциясы бірінші қыркүйекке дейін жұмыс істейді.
