Әрбір сәнді вилла бес жұлдызды люкстің барлық жайлылығын ұсына отырып, қонақтарға қоршаған әлеммен рухани байланысты сезінуге мүмкіндік ашады. Мәселен, вилланың жеке бассейндері мұхитпен тұтасып кеткендей әсер қалдырса, әрбір деталь ландшафтпен астасып, табиғаттың заңды жалғасына айналған.
Әр виллаға Мальдив сұлтандарының сарайында қызмет еткен сарай қызметшілерінің атауымен аталған жеке батлер (Арис Миха) қызмет көрсетеді. Ол күнделікті барлық күйбең тіршілікті өз мойнына алады. Виллалардың жанында қажетті инфрақұрылым орналасқан. Ritz Kids клубында балалар футуристік дизайнмен жасалған алаңдарда ойнап, шеберлік сабақтарына қатысып, арнайы бассейніндегі су сырғанағымен сырғанай алады. Айлақта тұрған дәстүрлі «дони» қайықтары сізді 15 минутта Fari Marina Village-ге – архипелагтың мейрамханалар, бутиктер және арт-инсталляцияларға толы мәдени жүрегіне жеткізеді.
«Celestial Festive Escape» атты жаңа жылдық бағдарлама түнгі аспанның жұмбақтығынан шабыт алып, Жаңа жылдың ерекше көңіл күйіне бөлейді. Мұнда қонақтарды Mystique Garden-дағы галактикалық медитация, кәсіби астрономның жетекшілігімен жұлдыздарды бақылау, «ғарыштық» сипаты бар Orbital Explorers фитнес-жаттығулары және әдеттегі қалыптан тыс, түнгі аспандай шексіз естеліктер сыйлайтын Cocoon Sound Bath дыбыстық терапия сеанстары сияқты иммерсивті шаралардың легі күтіп тұр. Әрине, дәстүр бойынша рождестволық коктейльмен Жаңа жылдық шыршаны жағудың салтанатты рәсімі өтеді.
Мерекелік дастарханның сәнін гастрономиялық бөлік келтіреді. Тәтті үстелге әлемдегі мишлен жұлдызын иеленген жалғыз балмұздақ шебері – Арвин Ван жауапты болмақ. Балмұздақ – көпшілік сүйетін, бірақ жасалуы қарапайым өнім, сондықтан оның ең үздік түрлері де люкс санатына әрең ілінетін. Алайда, Арвин Ванның ерекше тәжірибелері мишлен инспекторларына зор әсер еткен.