Бұл мерекенің басты қонағы – британиялық Hurts дуэті. Wonderful Life және Stay хиттерімен танымал топ бұған дейін Glastonbury немесе Rock am Ring сияқты әлемнің ең ірі сахналарында ән шырқаған. Бағдарламада «Татарин» әнімен ондаған миллион тыңдалым жинаған АИГЕЛ дуэті, синти-поп бағытындағы Pompeya инди-ұжымы және dudeontheguitar бар. Одан бөлек, әзірге есімі құпия сақталып отырған тағы бір арнайы қонақ келеді.
Концерттен бөлек, қонақтар түрлі фуд-корттардан дәм татып, серіктестер ұйымдастырған қызықты ойындарға қатыса алады. Биыл фестиваль аумағы кәдімгі қазақтың дәстүрлі тойханасы стилінде безендірілген.
Халыққа ыңғайлы болуы үшін арнайы тегін автобустар жүреді. Көліктер Балуан Шолақ атындағы спорт сарайынан сағат 14:30-дан 18:00-ге дейін екі бағытта қатынайды. Ал қалаға қайтатын соңғы рейс түнгі сағат 00:30-да шығады.
