«Жестяной барабан» спектаклі
- Қашан: 4 және 5 шілде
- Қайда: ARTиШОК театрының Үлкен сахнасы, Гоголь көшесі, 40
- Бағасы: 8 000 теңгеден бастап
ARTиШОК театры өзінің 25 мерейтойлық маусымын Гюнтер Грастың әйгілі романына құрылған «Жестяной барабан» спектаклімен қорытындылайды. Бұл туынды қазақстандық театр сахнасында алғаш рет ойналмақ. Оқиғаның қақ ортасында – Оскар Мацерат. Оның балалық шағы нацизм енді ғана бой көтеріп, Екінші дүниежүзілік соғыс басталған тұсқа дәл келеді. Қойылым драма, физикалық және визуалды театр элементтерін, сондай-ақ музыка мен экстрим-вокалды тоғыстырып, романды мүлде жаңаша, заманауи тұрғыдан ұсынады. Спектакль ұлы тарихи оқиғалардың адам өмірі мен оның ар-ожданына қалай әсер ететінін көрсетіп, классикалық шығармаға бүгінгі күннің көзімен қарауға мүмкіндік береді.
Билл Виола көрмесі
- Қашан: 1 шілде 2026 жыл – 17 қаңтар 2027 жыл
- Қайда: Almaty Museum of Arts, Әл-Фараби даңғылы, 28
- Бағасы: 2 000 теңге
Almaty Museum of Arts Орталық Азияда алғаш рет видеоарт саласының негізін қалаушы Билл Виоланың үлкен көрмесін ұсынады. «Уақыт кеңістігі» (Пространство времени) экспозициясына автордың 1977 және 2013 жылдар аралығында жарық көрген 18 туындысы кіреді. Олардың қатарында «Огненная женщина», «Плот», «Вознесение Тристана» сияқты танымал видеоинсталляциялар бар. Бұл жоба көрерменді өмір, өлім, естелік, уақыт және адам танымы сияқты күрделі тақырыптарды қозғаған қазіргі заманның ең ықпалды суретшісімен жақынырақ таныстырады. Көрме Билл Виоланың жары, көп жылдық шығармашылық серіктесі әрі тең авторы Кира Перовтың жетекшілігімен ұйымдастырылып отыр. Бұл – тұтастай видеоартқа арналған Орталық Азиядағы алғашқы ірі жоба.
Oyu Fest
- Қашан: 4-5 шілде
- Қайда: Первомай тоғандары
- Бағасы: 23 500 теңгеден бастап
Oyu Fest 2026 – Қазақстанның заманауи эстрада жұлдыздарының басын қосатын Алматыдағы екі күндік үлкен музыка фестивалі. Биылғы сахнада Sadraddin, Alpha, Kunzharyq, Ayau, M'Dee, Dequine, Orynkhan, dudeontheguitar, Samrattama, Роза Рымбаева және тағы басқа өнерпаздар ән шырқайды. Фестиваль поп, хип-хоп және альтернативті музыка сияқты түрлі бағыттарды біріктіріп, ашық аспан астындағы жанды дауыстағы концертке ерекше назар аударады.
Билеттерді Kaspi.kz қосымшасы арқылы сатып алуға болады.
Роман жазу сабақтары
- Қашан: 4 шілде – 26 шілде (6 сабақ)
- Қайда: «Целинный» заманауи мәдениет орталығы, Масанчи көшесі, 59
- Бағасы: бір сабақтың бағасы 8 000 теңге
«Целинный» орталығы ағылшын тілінде роман жазу курсын іске қосады. Алты кездесу барысында қатысушылар сторителлинг негіздерімен, атап айтқанда оқиға құрылымы, кейіпкер жолы, образ жасау, қақтығысты өрбіту, символизм және әдеби тәсілдермен танысады. Сонымен қатар, кез келген идеяны сапалы мәтінге айналдырып, жеке жазушылық дағдыны шыңдауға көмектесетін түрлі тәжірибелік тапсырмалар мен талқылаулар ұйымдастырылады.