95-ке қараған шағында «Оскар» сыйлығының лауреаты Дональд С. Роджерс дүние салды. Даңқты дыбыс режиссері «Рокки» спорттық драмасы, «Гуни» комедиясы және «Шоушенктен қашу» секілді кинематограф тарихындағы айтулы туындылардың жарыққа шығуына өлшеусіз үлес қосты.
Оның кино әлеміндегі сапары өткен ғасырдың 50-жылдары басталған болатын. Роджерстің алғашқы қадамдары Мэрилин Монромен бірлескен жұмыстардан бастау алды: ол актриса түскен «The Seven Year Itch», «В джазе только девушки» және «Неприкаянные» атты аңызға айналған туындылардың дыбысын өңдеді.
Роджерстің фильмографиясы өзінің ауқымымен таңғалдырады: South Pacific, Hello, Dolly!, Hair, «Звездный путь: Первый контакт», «Аэроплан!», «Звездные войны: Эпизод VI – Возвращение джедая», Twilight Zone: The Movie, «Остаться в живых», «Дюна», «Хищник», «Битлджус», «Бэтмен» және «Шоушенктен қашу».
Warner Bros. студиясындағы қызметін 1996 жылы тәмамдаған соң, ол киноиндустрияға қосқан технологиялық үлесі үшін Киноакадемияның арнайы марапаты – Гордон Э. Сойер сыйлығына ие болды.