Қазақстандық киноиндустрияда суперқаһармандар туралы алғашқы көпбөлімді жоба жарық көрмек. Жақында Freedom Кино және ТВ студиясы Toxic деп аталатын осы жаңа сериалдың бірінші тизерін көпшілік назарына ұсынды.
Оқиға Фархат есімді қарапайым жігіттің айналасында өрбиді. Күтпеген жерден болған бір оқиғадан кейін оның өмірі күрт өзгеріп, күн сайын бойынан жаңа бір тылсым қабілет байқала бастайды. Оқиға барысында ол осы ерекше мүмкіндіктерін игеріп қана қоймай, оны дұрыс мақсатта жұмсап, өз ісіне жауап беруді де үйренуі тиіс.
Жоба авторлары атап өткендей, бұл туынды отандық сериал өндірісінде бұрын-соңды болмаған мүлдем жаңа жанрға жол ашып отыр.
Басты рөлдерді Алмаз Мержақыпов, Бекайдар Қадыркей, Аделина Ералиева, Аида Құрманғалиева, Азамат Сатыбалды және Нұрай Жеткерген сияқты танымал актерлер сомдаған.