Esentai Mall Shymbulak Mountain Resort курортында жабық Night Skiing шарасын ұйымдастырып, қысқы спорт маусымын ресми түрде ашты.
Кештің ресми серіктесі ретінде Ultima Яндекс Go қатысты. Бұл – премиалды сапарлар ұйымдастыратын және авторлық мейрамханалардан тағам жеткізетін арнайы қызмет. Сонымен қатар, 2025 жылы бұл қызметтер жүйесі Алматы мен Астананың үздік орындарына жол сілтейтін Ultima Guide технологиялық гидімен толықты.
Кеш қонақтары тау шаңғысы курортының қысқы атмосферасында түнгі беткеймен сырғанап, ерекше әсер алды. Ал шаңғы тебуді жоспарламаған жандар Нұрберген Махамбетовтың DJ-сетімен билеп, таңғажайып қысқы фотоаймақтарда суретке түсті және жаңажылдық шарларды әрлеу шеберлік сағатына қатысты. Бұдан бөлек, алау жағылған жайлы лаунж-аймақта қонақтар ыстық какао, маршмеллоу және тәтті күлшелерден дәм татып, бой жылытты.
Кеш соңында орталық сахнада Қазақстан сахнасының жарық жұлдызы және Tatler Kazakhstan журналының 2025 жылғы қазан айындағы мұқаба кейіпкері – Dequine өнер көрсетіп, өзінің басты хит әндерін орындады.
