Туынды Қаскелеңдегі жаңа кинотүсірілім алаңында таспаланбақ
Джеки Чан басты рөлді сомдайтын әйгілі «Доспехи бога» франшизасының кезекті бөлімі Алматы облысында түсіріледі. Бұл картина Қаскелеңде бой көтеретін жаңа кинотүсірілім кешенінде жүзеге асырылатын алғашқы жобалардың бірі болмақ.
Мұндай жоспармен Salem Entertainment медиакомпаниясының өкілдері бөлісті. Болашақ кинопавильондардың құрылысы құрметіне орай қалада арнайы уақыт капсуласы салынды.
Жоба бойынша аумағы 2 мың және 1 мың шаршы метр болатын екі үлкен павильон тұрғызылады. Олар отандық туындылармен қатар, шетелдік фильмдерді түсіруге де лайықталған.