18 қыркүйек күні дүркіреп өткен ресми ашылу салтанатының басты қонағы ретінде DJ Philchansky ортаға шықты. Ал резиденттердің шоуы мен ерекше арт-перформанстар кештің көркін одан сайын қыздыра түскендей.
Клуб форматы жеке, жабық кеңістік идеясының негізінде қаланған. Демек, мұнда қонақтардың қарасы немесе кештің ауқымынан гөрі, ішкі атмосфера мен ортаның өзара үйлесімі бірінші орынға шығады. Клуб мүшелеріне өз достарын ертіп әкелуге толық рұқсат бар. Сол себепті де бұл қауымдастық көшеден кірген кездейсоқ адамдардан емес, тікелей жеке таныстық пен өзара ұсыныстардың арқасында іріктеліп жиналады.
Музыканың бұл мекеме тұжырымдамасында алатын орны тіпті ерекше. Пульт басына арнайы шақырылған әртістер мен резиденттер жайғасқандықтан, мұндағы музыкалық бағдарлама кәдімгі клубтық сценарийдің шеңберінен әлдеқашан шығып кеткен. Бұл жерге келіп достармен дидарласуға, ең үздік DJ-сеттердің ырғағымен тербелуге, тіпті қауырт күннен кейін ми тынықтырып, түн ауа ауғанша рақаттана демалуға барлық жағдай жасалып қойған.
Do Not Disturb-тің тағы бір тартымды тұсы – түнгі бағдарламаның өн бойына шеберлікпен өрілген арт-перформанстар дер едік. Олар музыка, визуалды элементтер мен жанды қойылымдардың басын біріктіре отырып, клуб ішіндегі ортақ атмосфераның ажырамас бір бөлшегіне айналып кете барады.
Клуб әр жұма және сенбі күндері сағат 23:00-ден 05:00-ге дейін ашық. Мүшелікке өту үшін мына нөмір бойынша байланысу қажет: +7 700 444 27 54.
