BLACKPINK тобының мүшесі әрі жеке орындаушы Дженни жанкүйерлерін жаңа музыкалық жобасымен қуантуға дайын. 2026 жылдың 28 тамызында барлық стриминг платформаларында әншінің Fallen Angel деп аталатын цифрлық мини-альбомы (EP) жарық көреді. Көптен күткен жаңалықты әншінің өз лейблі OA ENTERTAINMENT (ODD ATELIER) ресми түрде жариялады.
Fallen Angel альбомына барлығы үш трек кіреді: аттас басты әнмен қатар, тыңдармандар Heaven және Less than a Lover композицияларын да тамашалай алады. Айта кетерлігі, Дженни бұл әндерді жазғы фестивальдерде орындап үлгерген. Сондықтан жанкүйерлер жаңа туындылармен ішінара таныс әрі оларды жылы қабылдап үлгерді.
Лейбл өкілдерінің сөзінше, бұл жинақ әншінің ең терең, ішкі сезімдеріне құрылған шынайы туындысы болмақ. Релиз алдында Дженни әлеуметтік желіде «Күндердің күнінде бәрі түсінікті болады» деген жұмбақ жазба қалдырып, тыңдармандардың қызығушылығын одан сайын арттырып қойды.
Ал желідегілер әндердің тікелей эфирлердегі нұсқасын ұнатып қалғандықтан, үш тректен тұратын шағын форматты өте дұрыс шешім деп бағалап жатыр.