Қазақстандық танымал орындаушы Ayau «LALAGÜL» деп аталатын екінші студиялық альбомының жарыққа шығатынын мәлімдеп, болашақ пластинканың концепциясымен бөлісті.
«LALAGÜL – бұл дер кезінде айтылмай, іште кеткен сөздер туралы альбом. Мұнда махаббаттың тек әдемі сәттері ғана емес, оның көлеңкелі тұстары да – қызғаныш, сенімсіздік пен тәуелділік те қамтылған. Егер алғашқы альбомым сыртқы әлеммен диалог болса, «LALAGÜL» – өзіммен сырласуым».
Пластинканың атауы лилия гүліне («лалагүл») сілтеме жасайды. Ayau-дың айтуынша, бұл бейне альбомның негізгі мәнін – нәзіктік пен морттықпен қатар келетін ішкі қуатты дәл береді.
Әзірге «LALAGÜL»-дің трек-лисі құпия сақталуда. Десе де, желі қолданушылары мен әншінің жанкүйерлері ALPHA тобының мүшесі A.boo-мен бірлескен трек шығуы мүмкін деп болжап отыр.