Алғашқы бөлімдері оғаш көрінгенімен, сериалдың әсіреленген әлеміне үйренген соң, бұл «нөлдің» ішінен де қызық табуға болады. Туындыны Sex and the City сериалының заңгерлік нұсқасы деуге болады. Бірақ мұндағы кейіпкерлер махаббат іздеудің орнына, сәтсіз қарым-қатынастың салдарын – ажырасу процестері мен мүлік бөлісуді шешеді. Олар өздерін «Ақырзаманның төрт шабандозы» деп атайды, ал олардың басты қаруы – аяусыз кек алу.
Басты кейіпкерлердің өмірлік ұстанымы еркектерге тәуелді болмау, яғни кездесулерден (дейтинг) саналы түрде бас тарту. Бірақ олардың ішінде қартаю алдындағы қорқыныш бар. Тіпті олардың бірі: «Мүмкін, бізге Джейн Остиннің классикалық шығармалары қартаюға бейімделуге көмектесер?» деп сауал тастайды. Бұл жерде оқырман ағылшын жазушысының ескі замандағы әйел даналығынан қазіргі жалғыздыққа ем іздеген кейіпкердің ирониясын көреді.
Осы орайда сериал авторлары Sex and the City хикаясындағы атақты Самантаның бейнесіне қызықты паралель жасайды. Егер Саманта 42 жасында еркіндіктің символы болса, мұнда оның заманауи баламасы ретінде 78 жастағы Гленн Клоуз бой көрсетеді. Ал олардың басты қарсыласы – консервативті заңгер бейнесіндегі Сара Полсон. Полсонның бұл сериалдағы диалогтары тым оғаш болғанымен, актрисаның шеберлігі сол кемшіліктерді білдіртпей, кейіпкерді жанды етіп көрсетеді.
Сериалдағы еркектер әлемі қатыгездік пен оғаш қылықтарға толы «жабайы аңдар мекеніне» көбірек ұқсайды. Ал Ким Кардашьян мен оның айналасы бұған мүлдем қарама-қайшы: олардың өмірі тек сирек кездесетін JAR мен Verdura зергерлік бұйымдарынан, люкс санаттағы YETI Rambler заттарынан және ең элиталық косметикалық процедуралардан тұрады. Тіпті кейіпкерлердің бірі: «Менің өмірім тек жеке ұшақтардан, дизайнерлік киімдерді өлшеп көруден және Cartier брендінен тұрады, мен бұдан шаршадым» деп шағымданады. Басты рөлдегі Ким Кардашьянның көз жасының өзі – жай ғана мұң емес, премиум-санаттағы бет күтіміне арналған қымбат процедура секілді өте эстетикалық дүние болып көрінеді.
Бұл туынды – заманауи өнер емес, керісінше, баяғы «Санта-Барбара» сияқты жеңіл хикаяларға қайта оралу. Бұл өнердегі «кэмп» (camp) стиліне жатады. Философ Сьюзен Зонтаг түсіндіргендей, «кэмп» – бұл мазмұнына қарағанда сәндік жағы тым асыра көрсетілген, тіпті талғамсыздыққа жақын, бірақ сонысымен қызық дүние. Оны байыппен қабылдамай, әдейі жасалған ойын немесе гротеск ретінде қарау керек. Ким Кардашьян дәл осы «кэмп» логикасына өте жақсы үйлеседі.