Абай алаңы классика жауһарлары мен танымал мюзиклдердің үздік үзінділері шырқалған зор сахнаға айналды
92-ші театр маусымының қарсаңында Абай атындағы Қазақ ұлттық опера және балет театры «МҰРА» жобасын – ашық аспан астындағы ауқымды гала-концертін ұсынды. Сахнада опера солистері, симфониялық оркестр, хор және балет ұжымы ұлттық және әлемдік классиканың жауһарларын, сондай-ақ танымал мюзиклдер мен фильмдерден үзінділерді орындады. Көрермендер назарына заманауи технологиялармен үйлескен динамикалық сахна безендіруі және әрбір нөмірге арнайы жасалған футуристік элементтері бар костюмдер ұсынылды.
Бұл айтулы іс-шара 18 қыркүйекте Республика Сарайының алдындағы Абай алаңында өтті. Бұл жердің таңдалуының символдық мәні зор, себебі биыл театр 1945 жылдан бері есімімен аталып келе жатқан ұлы Абай Құнанбайұлының 180 жылдығының тойлануына орайластырылған.
2025–2026 жылдардағы театр маусымы «Ғасыр алдындағы онжылдық» ұранымен ашылады. Ал «МҰРА» гала-концерті – ұлттық опера және балет өнерінің дәстүрлерін сақтап, дамытып келе жатқан шеберлерге көрсетілген зор құрмет болды.