Дизайнер Густав Вестман багетке арналған ерекше әрі жарқын ұстағыш жасап шығарды
Густав Вестман – швециялық жиһаз дизайнері. Оның туындылары дөңгеленген жиектерімен, иілген пішіндерімен және ашық түстерімен ерекшеленеді. Вестманның бұйымдары жергілікті өндірісті қолдау мақсатында швециялық ағаш шеберлерімен бірлесіп жасалады.
Оның соңғы жұмыстарының бірі – багетке арналған сөмке. Қызғылт түсті ұстағыш үш ілмегі бар спираль пішінінде жасалған және бір багетке арналған. Бұл туынды Густав Вестманның Еуропадағы жазғы туры аясында жасалған, онда ол поп-ап іс-шараларында өз бұйымдарын таныстыратын болады. Мұндай кештер Берлин, Копенгаген және Парижде өтіп үлгерді. Алда, 30-31 тамызда, Амстердам, содан кейін 6-7 қыркүйекте Мадрид қалалары күтіп тұр.
Іс-шара өтетін кеңістіктер келушілер өздерін үйдегідей сезінетіндей етіп безендірілген. Густав Вестманның пікірінше, мұндай тәсіл бұйымдардың күнделікті өмірге қалай үйлесетінін жақсырақ көрсетуге мүмкіндік береді. Вестманның барлық интерьер заттары қолдан жасалған. Поп-ап қонақтары оларды жақынырақ қарап, өз үйлеріне сатып ала алады.
