Мейрамхана астаналықтарға барлық жайлылықты ұсынады: кең үстелдер, хинкали, Грузияның түрлі аймақтарының хачапурилері, харчо мен қолдан өсірілген тауықтан жасалған чихиртма және әрине, бай шарап картасы.
Мейрамхананың бренд-шефі Нана Такаландзенің ерекше мақтанышы – хачапури. Бұл тағамның басты құпиясы саналатын ірімшікті Manana аспаздары өздері арнайы дайындайды.
«Хачапури – грузин асханасының жаны. Біз тек өзіміз жасайтын табиғи үй ірімшігін қолданамыз. Қонақтарымыз хинкали, харчо мен чихиртманы да қатты жақсы көреді. Ал еленбей қалып жүрген тағамдардың ішінен сацивиді ерекше атап өтер едім. Грузияда бұл ең сүйікті дәмдердің бірі, бірақ мұнда оны бәрі бірдей біле бермейді»
Жаңа мейрамхананың интерьері бұрынғылардан сәл өзгешелеу. Елордалық Manana классикалық грузин мейрамханасынан гөрі заманауи саяжай үйіне көбірек ұқсайды. Панорамалық терезелер, қалың жасыл желек, ағаш бөлшектер, табиғи фактуралар, жұмсақ текстиль мен көз тартатын тыныш реңктер ерекше атмосфера сыйлайды.
Негізгі зал 120 қонаққа шақталған. Үлкен мерекелер үшін 100 адамдық жеке банкет залы, ал оңаша басқосулар үшін 12 адамдық VIP-бөлме қарастырылған. Қысқасы, кештің сценарийін көңіл күйге қарай еркін таңдауға болады: екі адамдық романтикалық кешкі астан бастап, көңілді әрі шулы отырыстарға дейін бәріне лайық орын табылады.
Мейрамхана ресторатор Александр Орлов негізін қалаған Sun Group құрамында дамып келеді. Manana тарихы осыдан он жыл бұрын Алматыда басталды. Бір жыл бұрын Ташкентте дәл осындай мекеме ашылса, енді міне, Астана төрінде үшінші мейрамхана қонақ қабылдауға дайын.