Алматыда жаңа мейрамханалар мен барлар шалды

Алматыда ашылған жаңа мейрамханалар мен барлар жайлы біле отырыңыз.

Көктем қалаға ғана емес, «Жаңа орындар» айдарына да серпін берді. Енді дәмді асқа тапсырыс беріп, кофе ішіп, дос-жаранмен кездесуге себеп көбейді. Mega Park сауда орталығында Аркадий Новиковтің «Минисыроварня» тратториясы ашылды. Мұнда нағыз неаполитан пиццасы әзірленеді. Ал specialty кофеханалардан жалыққан болсаңыз да, Voronka-ны ішкі дизайны үшін ғана жақсы көріп қалуыңыз мүмкін. Камералық Gruppo 63 бары да ерекше жасалған. Ол Федерико Феллини фильмдерінен шабыт алған. Осы секілді Алматыда ашылған басқа да жаңа орындар туралы мақаламыздан оқи отырыңыз.

Lavka by Proshenkov, Estet тұрғын үй кешенінде

Жаңа Lavka-ның ашылуын көп күткеніміз рас. Түрік томат соусындағы күркетауық митболдары, үйдегідей винегрет пен мінсіз круассан көптің көңілін жаулады. Lavka Estet кешенінің тұрғындары мен көршілерін дәмді әрі шынайы аспен қуантып жүр. Интерьерде бірінші бистро стилі сақталған: ашық реңктер, фирмалық көк түстің басымдығы және негізгі идеясы – күнделікті өмірге арналған сапалы, жанға жайлы асты да осы жерден таба аласыз.

Таңертең мұнда таңғы ас ішіп, жаңа піскен нан, фермерлік ірімшік, қолмен жасалған фреш-паста және тағы басқа дәмі тіл үйірер өнімдерді сатып алуға болады. Кешкі асқа бургер секілді классиканы немесе теңіз өнімдерінен жасалған нәзік пастаны таңдауға болады. Айта кетер бір жайт, бұл жерден десертсіз кету күнә болады, сондықтан құлпынай қосылған авторлық «Наполеонның» дәмін татып көруді ұсынамыз.

Lavka by Proshenkov – төменгі қабаттағы жылы шырайлы көрші секілді: күн сайын қарапайым әрі махаббатпен дайындалған тағам ұсынып тұрады.

1 / 1

Voronka

Алматыға тағы бір specialty кофехананың қажеті не? Коферейв үшін бе (тағы да рейв пе?)?

Мәселе мынада: Voronka-ның негізін қалағандар – нағыз кофе сүйер азаматтар. Олардың философиясы – еркіндік пен зерденің символы саналатын қарға бейнесі және V60 воронкасы, ол кофе дайындаудың мінсіз әдісі ретінде қабылданған. Мұнда тек specialty санатындағы дәндер пайдаланылады, ал оның әрбір түйіршігі – тұнып тұрған фермердің еңбегі мен қуыру шеберлігі.

Интерьер де мақтауға лайық: минимализм мен жылулық, ағаш пен болат тамаша үйлесім тапқан. Жалпы, үстелдің басында танымайтын адамдардың өзі қатар отыра береді, себебі кофехананың келушісі көп. Кофеден бөлек мұнда өздері дайындайтын тәттілер де бар. Жоғары сұранысқа ие дәмділердің бірі – таңқурай қосылған маритоццо.
Voronka-да қай уақытта келсеңіз де, таңғы астан дәм тата аласыз. Бізге керегі де осы емес пе? Кешкі асқа пастаның түр-түрі бар. Әсіресе Болоньезе лазаньясына тапсырыс беруге кеңес береміз. Айтқандай, және бір бонус бар: мұнда жануарлармен келуге рұқсат, бұл жер кез келген тіршілік иесіне ашық.

1 / 2

«Минисыроварня»

Аркадий Новиковтің «Минисыроварня» тратториясы Алматыда ашылып, көпті қуанышқа бөлеп жатыр. Ол Mega Park сауда орталығында орналасқанымен, классикалық food-court атмосферасынан мүлдем бөлек. Мұнда ретро элементтерімен үйлескен заманауи интерьер мен тауға қараған жазғы терраса бар. Ұзаққа созылған шопингіден кейін осында келіп, шынайы итальян асханасынан дәм татуға болады. Аркадий өзінің неаполитан пиццасын қаладағы ең үздік деп атайды. Тексеріп көргіңіз келсе, мархабат! Ал бәрі тым қарапайым көрінсе, десерттерін байқап көріңіз!

1 / 1

Point 44

Point 44 – жай ғана «келдің, тамақ іштің, кетіп қалдың» дейтін жер емес. Бұл – Алматының қақ ортасында орналасқан, стиль мен қонақжайлық үйлескен мекен. Көзге салмақ түсірмейтін жұмсақ жарық, айна ілінген қабырғалар, таңдаулы интерьер – Instagram-да еш ұялмастан бөлісер локация. Мәзірі де ерекше: ешкі сүтінен дайындалған ірімшік қосылған равиоли, ақсерке қосылған флорантин. Ал коктейльдер авторлық рецептімен дайындалып, Tiffany & Co. қорабы, Vogue мұқабалары, шоколад түстес Birkin сөмкесі сияқты таңдаулы дүниелерден шабыт ала отырып жасалғаны айдан анық. Күндіз бұл орын тыныш әрі жайлы атмосфера, таңғы ас пен бизнес-ланчты іздегендерге арналса, кешке бар назар барға ауысып, DJ-дің драйвы бұл жерді сәнді хаосқа айналдырып жібереді. Адамдар мұнда тек тамақ ішуге емес, керемет сезім үшін келеді.

1 / 1

Gruppo 63

Өзіңізді Феллини фильмінің кейіпкеріндей сезінгіңіз келсе, Gruppo 63 барына бас сұғыңыз. Неоавангардтық Gruppo 63 қозғалысы мен Федерико Феллинидің «Otto e mezzo» фильмі бардың локациялық музасына айналғандай. Бұл қозғалыс арнасында жазушылар, ақындар мен ойшылдар жиналып, өнерде жаңашылдық пен өзін-өзі танытуды алға тартқан. Десе де мұнда мәдени төңкеріс жасағыңыз келмейді. Керісінше, «колготки», «еркектердің құқығы жоқ» немесе «Dyson» секілді терең тақырыптарды құрбылармен бірге талқылап, бір жасап қалуға болады. Немесе керісінше адамдар бір-бірін көре алатындай етіп жасалған толқын пішіндес барға жайғасып, барменмен қылымсып көрсеңіз де болады. Коктейль картасында авторлық сусындар мен эспрессо мартини секілді классика да ұсынылған. Ал тіскебасардан Алматы бойынша ең дәмді артишокты байқап көріңіз.

Сарғайған фрескалар мен көзге жылы жарықтан құралған интерьер атмосфераны тіпті интимдік әрі жайлы әсерде қалдырады. Айтқандай, тақырыпқа тұздық болған құпия сигара бөлмесі де дәл сол бар жақта. Бұл – жасырын кездесу өткізу үшін де, жай ғана жақсы вискиден сораптай отыра, ләззатқа бөленуге арналған мінсіз орын. Құпия жер болғанмен, оны іздеп табу қиынға соқпайды. Renée Café-сінің астында орналасқан.