Жылқы еті қосылған оливье және маринадталған сары уыз (Андрей Титов, Alma Bistro)

Дайындау әдісі:

Піскен көкөністерді текшелеп тураңыз. Жасыл бұршақты қысқа уақытқа қайнаған суға салып, содан кейін дереу суық суға салыңыз. Сосын оны көкөністерге қосыңыз. Қиярлардың дәндерін алып, оларды да тураңыз. Қайнатылған жұмыртқаның ағы мен жылқы еті пастрамиін қосыңыз. Майонезбен араластырып, тұздап дәмдеңіз. Дайын салатты тәрелкеге қойып, үстіне пастрами мен маринадталған сары уызды орналастырыңыз. Үстіне туралған шнитт-пияз себіңіз.

Құрамы (1 кісілік мөлшер):

• Пісірілген картоп – 30 г
• Пісірілген сәбіз – 30 г
• Мұздатылған жасыл бұршақ – 20 г
• Жылқы етінен жасалған пастрами – 40 г
• Жаңа піскен қияр – 10 г
• Шала тұздалған қияр – 10 г
• Толық тұздалған қияр – 10 г
• Қайнатылған тауық жұмыртқасы – 1 дана
• Үй майонезі – 30 г
• Тұз – 1 г
• Маринадталған сары уыз – 1 дана
• Шалот пиязы – 2 г

Веллингтонша дайындалған қызыл балық (Ибрагим Садыков, Molli)

Дайындау әдісі:

Қызыл балықты терісінен тазалап, дәмдеуіштермен дәмдеңіз. Сосын оны нори жапырақтарына ораңыз. Асжапырақты қысқа уақытқа қайнаған суға салып, содан кейін дереу суық суға салып, кәдіні жұқа тілімдерге кесіңіз. Балық етін кәді мен асжапыраққа ораңыз. Сосын оны жайылған қамырға ораңыз. Қамырдың бетіне жұмыртқа жағып, 165-170°C-та 20-25 минут пісіріңіз.

Құрамы (2 кісілік мөлшер):

• Қызыл балық филесі – 300 г
• Нори жапырақтары – 4 дана
• Кәді – 1 дана (300 г)
• Асжапырақ (шпинат) – 400 г
• Қатпарлы қамыр – 500 г
• Ұн – 100 г (қамыр жаюға)
• Жұмыртқа – 1 дана
• Тұз – 30 г
• Бұрыш – 2 г

Фаршталған күркетауық (Владимир Цветинович, Pier)

Дайындау әдісі:

Күркетауықты тазалап, сүйектерін алыңыз (тек аяқтары мен қанаттарында қалдырыңыз). Сосын оны көбелек қалпында жайып, оған тұз, дәмдеуіш пен ұнтақталған бадьян жағыңыз. Толтыруға арналған нанды текшелерге бөліп, сүт пен жұмыртқа қосып араластырыңыз. Жұмсарған нанға туралған алма, жаңғақ пен ет фаршын қосыңыз. Барлығын араластырып, күркетауыққа толтырыңыз. Құс етін бастапқы пішінге келтіріп, май торымен орап, жіппен байлаңыз. 180°C-та 2,5 сағат пісіріңіз (алғашқы 2 сағат фольга астында, кейінгі 30 минут фольгасыз).

Соус үшін сүйек пен көкөністерді өсімдік майында қоңырқай реңге дейін қақтап алу керек. Шарап пен су құйыңыз. Соустың 70%-ы буланғанда, оны сүзіп алыңыз. Сосын баяу отта қоюланғанша қайнатасыз.

Гарнир үшін сүт майын балқытып, су қосасыз. Асжапырақ, сірке суы, тұз бен бұрыш қосасыз.

Құрамы:

• Күркетауық – 5 кг және одан көп
• Жас қозының май торы
• Тұз, дәмдеуіштер, ұнтақталған бадьян – дәміне қарай
• Асүй жібі

Толтыруға:

• Жас қозы етінің фаршы – 1 кг
• Бородино наны – 200 г
• Жасыл алма – 200 г
• Орман жаңғағы – 100 г
• Жұмыртқа – 2 дана
• Сүт – 100 мл