Наурыз көже – түркі халықтарының дәстүрлі мерекелік тағамы. Ол жеті дәмнен тұрады: су, ет, ұн, май, дәнді дақыл, тұз және сүттен жасалған тағам. Бұл тағамның қалай бірлік белгісіне айналғаны туралы аңыз да бар. Ең алғаш наурыз көжені үлкен қазанда пісіріп, ашыққан жандардың бәріне дәм татқызыпты. Түріктер арасындағы түсініспеушілік, дау-дамай осындай бір амалдың арқасында тоқтаған деген тәмсіл бар. Қазір бұл тағам жылда дайындалады. Бес күн демалыста сол дәмнен ауыз тиюге асық жандарға арнап Алматыдағы дәмі тіл үйірер наурыз көже ұсынатын мейрамханалар топтамасын жинақтадық.

Tör

Tör мейрамханасында наурыз көженің классикалық дайындалу тәсіліне ерекше мән беріледі. Тағам негізінен ұнтақталған жүгері, сүт және тауық сорпасынан жасалады. Куркума әдемі түске бояса, зира дәмін аша түседі. «Біздің наурыз көжеміздің дәмі сүрленген қазы, асылған жылқы еті және дәнді дақылдар қоспасы ретінде түпнұсқаға барынша жақын келеді», – дейді мейрамхананың бренд-шефі Руслан Абдураманов. Мейрамхананың бұл тағамды ұсынуы да ерекше. Тәрелкеге тамақтың қоюы десте ретінде салынып, сұйығы шағын көземен бөлек әкелінеді. Тағам құрамындағы дәмдерді ұзақ тамашалауға болады, бірақ қарап отыра берсеңіз, сорпа суып қалуы мүмкін.

Қашан: 22–23 наурыз

Қайда: Әл-Фараби даңғылы, 77/7 к1 (Esentai Mall жанындағы шыны текшенің екінші қабаты)