Mi Shang – Prada-ның Азиядағы алғашқы жеке мейрамханасы. Ол Шанхайдың қақ ортасындағы тарихи әрі өнер кеңістігіне айналған Rong Zhai резиденциясының екінші қабатында орналасады. Бұл ғимарат 1918 жылы салынған, ал 2017 жылы Prada Group оның тарихи келбетін қайта жаңғыртты.

Mi Shang жобасының тұжырымдамасын гонконгтық режиссер Вонг Кар-Вай әзірлеген. Мейрамхана атауы қытай тілінен «құмарлыққа берілу» немесе «бірнәрсеге әуестену» деп аударылады. Логотипін жасау кезінде режиссер тет-беш – бір-біріне төңкеріле жалғанған екі бірдей пошта маркасы идеясынан шабыт алған. Интерьер дизайнында Вонг Кар-Вайға тән айна ойыны мен контраст элементтері көрініс тапқан, ал кей тұстары «In the Mood for Love» бен «Happy Together» фильмдерінің атмосферасын еске салады.