Таза тамақтану балалармен әдетте қиынға түседі, сондықтан бұл мақаламызда дұрыс тамақтануы мүмкін орындарды ұсынамыз
Бұрын сүйген жарыңызбен уикенд алдындағы кешті баптанып seven-course tasting menu, қымбат француз шарабымен тірі музыкаға еліте асықпай өткізуді әдетке айналдырсаңыз, енді баланың ығына жығыласыз, мәзірдің барынша органикалық болуына, ингредиенттер этикалық ұстаным негізіндегі өнімнен алынуына баса мән бересіз.
Сол кішкене періштелермен тамақтануға ыңғайғы орындар тізіміне өтпес бұрын ресторандағы уақытыңызды ұйымдастыруға көмектесетін бірнеге лайфхакты шолып өтіңіз.
Баламен мейрамханада әдемі отырыс жасаудың ең алғашқы қадамы – оны ерте жастан сыртта түстенуге бейімдеу. Осы ережені ұстанғандар баласының 2 жасқа таяғанда мұндай орындардың мәдениетіне әбден үйренісіп кететінін айтады. Бастапқы кезеңде бұл ата-аналар үшін қиынға соғуы мүмкін, бірақ жаңа тағамдар, жаңа дәмдерден нейрондық байланыстардың жетілетіні сізге мотивация бола алады.
Әр визит алдында баратын жеріңіздің электрон менюін қарап шығып, балаңызға ұнайтынына сенімді болатындай тағам таңдап қойыңыз. Сондай-ақ қызмет көрсету баяу болған жағдайда оны алдаусырата тұратын алма пюресі сынды бір тіскебасар сөмкеңізден табыла кетсін. Иә, ата-ана барлық болуы мүмкін жағдайды ескере жүреді десек, бала өсіру шахмат ойынына да ұқсайды емес пе?!
Қазіргі қоғамда fine dining мейрамхана менюіндегі тағамдарға healthy food баламасын ұсынбау нағыз моветонға айналды. Сол себепті төмендегі тізімдегі түстену орындары да бұл ұстанымды негізге алады. Оған қоса, аталатын орындарда балалардың уақытты сапалы әрі қызықты өткізуіне де жағдай жасалған.
Seven Bar & Restaurant
Ritz-Carlton Almaty қонақүйінің 28-қабатында орналасқан Seven Bar & Restaurant шындығында хас талғампаздарға арналған мейрамхана.
Бірақ бала жоғарыда айтылғандай, тамақтану мәдениетін игермесе, мұндай fine dining үлгісіндегі ғана емес, комфорт фуд ұсынатын жерде де отыра алмауы мүмкін. Сондықтан ұсынылған кеңестердің өзіңізге оңтайлы қолданыңыз.
Жалпы мәзірге аспаздың өзіндік мәнерінде ұсынылатын жапон, француз, итальян және басқа да ұлт тағамдарымен қоса, маусымдық трюфель, вагю, лобстер сынды жер-жаһанның түкпір-түкпірінен әкелінетін сирек ингредиенттер кіреді.
Ал қазір аталған мейрамханада әлемдегі ең кішкентай аспаз Le Petit Chef-тің тамаша тағамдары мен театрға татырлық қойылымының куәгері болуға мүмкіндік бар. Гастрономия әлемін шулатқан бұл перформансты көруге барған шетелдіктердің көпшілігі балаларының шын тәнті болғанын айтады. Демек, кішкентай қонақтардың көңілін аулайтындай-ақ дүние.
Бойы небәрі 58 миллиметр кішкентай шеф тәрелкені айнала тамақ пісіріп жүргенін көргенде, әрине, бала көңіл қиялға берілері хақ. Аталған кейіпкер 2015 жылдан бері 3D проекциясы кейпінде әлемді шарлап келеді. Жолы енді Орталық Азияға түскен екен. Көп естігеннен бір көрген артық дүниеге ұқсайды.