Азиядағы шефтер сондай-ақ ұмыт болған ингредиенттерді қайта жаңғыртып жатыр. Кореяда Мингу Кан — Сеулдегі Mingles ресторанының екі Мишлен жұлдызына ие шефі дәстүрлі корей тағамдарының негізі саналатын, ферменттелген соя пастасы — джангты жаңғыртумен айналысып келеді. Үндістанда аспаздар просо сияқты ежелгі дәнді дақылдармен қайта жұмыс істей бастады. Ал Филиппинде Toyo Eatery ресторанының шеф-аспазы Джорди Наварра жергілікті өнімдерге, соның ішінде Asín tibuok атты теңіз тұзына ерекше көңіл аударады. Бұл қадамдар аспаздық өнерінің мұрасын сақтап қана қоймай, орнықтылыққа ықпал етеді.

Жоғары деңгейлі асханалар өзгеріске ұшырап жатыр: ресторандар гипержергілікті тағамдарға, аймақтық ингредиенттерге және дәстүрлі аспаздық әдістерге баса назар аударып, шынайы мәдени-аспаздық тәжірибе ұсына бастады. Мысалы, Сингапурдағы Fiz мейрамханасы дәстүрлі малайлық «хиданг» дастарқанын жоғары деңгейлі асхана дәрежесіне көтеріп, аймақтың аспаздық мұрсын айқындайтын, жергілікті дәмдерді ұсынады.

Сонымен қатар эксклюзивті әрі дербестендірілген қызмет көрсетуге бағытталған ультра-талғампаз асхана концепциясы бар. Осы екі тренд, мейлі ол жергілікті мәдени мұрамен байланыс болсын, эксклюзивті әрі дербестендірілген аспаздық саяхат болсын, жалпы саналы гастрономиялық тәжірибелерге деген сұраныстың артып жатқанын көрсетеді.

Соңғы кезде ресторандар мәзірлерін асқазан саулығы мен гормондық тепе-теңдікті сақтауға және ұзақ өмір сүруге ықпал ететін wellness бағытына қарай бейімдейтін болды. Тағамдарды қолданушының денсаулығы жөніндегі деректер негізінде ұсынатын, жасанды интеллект құрған жеке диеталар саны да артып келеді. Азияда ресторандар тағамды дәрі деп қабылдап, физикалық және психикалық саулыққа көмектесетін адаптогендер мен пробиотиктерді қолданады.

Әлемнің назары қазір Мумбай, Бали, Манила, Хошимин, Пусан және Тасмания сияқты жаңа гастрономиялық орталықтарда. Тропикалық табиғатымен танымал Бали орнықты әрі өсімдіктен жасалған тағамдар саласында көш бастап келеді. Ал Пусанда дәстүрлі корей ингредиенттері мен заманауи әдістерді үйлестіретін аспаздық өнері дамуда. Бұл жаңа бағыттар туристер мен әуесқойларды тартып, әр аймақтың әртүрлілігі мен инновацияларын көрсетеді.

Орнықтылық басты басымдық болып қала бермек, шеф-аспаздар да қайта өңделетін ауыл шаруашылығы мен ингредиенттердің апсайклингі сияқты әдістері кеңінен қолданып, қалдықтарды азайтуға жиі назар аударатын болды. JW Marriott Khao Lak ресторанында кепкен көкөніс қалдықтарынан умами ұнтағы жасалса, қарбыз қабығынан кәмпит әзірленеді. Мұның бәрі аспаздардың өз экологиялық ізін азайтып, дәмді тағам ұсынудың креативті жолын тапқанын көрсетеді.

«Фермадан дастарқанға» концепциясы шеф-аспаздардың вертикальді немесе биодинамикалық ауыл шаруашылығы сияқты футуристік әдістерді қолданатын «фермадан болашаққа» қағидасымен толықтырылмақ. Сиднейдегі Saint Peter ресторанында теңіз өнімдеріне деген орнықты көзқарасымен танылған Джош Ниланд бұл принципті Сингапурдағы FYSH ресторанында жүзеге асыруда. Мұнда қалдықтарды азайту және орнықтылықты арттыру мақсатында балықтың сүйегінен терісіне дейінгі барлық бөлігі қолданылады.

Сусындар әлемі да заман талабына сай дамып келеді — крафт коктейльдері мен олардың алкогольсіз баламалары алдыңғы қатарда. Токиодағы атауы эш деп оқылатын æ барында атақты бармен Шинго Гоканның басшылығымен қалдықсыз коктейльдер жасалады. Барлар мәдени орталықтарға айналып, креативті алкогольсіз сусындардың бейнесіндегі инклюзивтіліктің маңызы алкогольді коктейльдердегі инновациялармен тең дәрежеде болатыны сөзсіз.

Қазіргі таңда технологиялар гастрономиялық тәжірибені толық өзгертіп жатыр. Жасанды интеллект ресторандарға мәзірін дербестендіруге, қалдықтарын бақылауға және операцияларын оңтайландыруға көмектесетін болды, алайда адами көзқарастың маңызы еш жойылған емес. Шанхайдағы 102 House рестораны технологиялық жетістіктерді дәстүрлі қонақжайлылықпен үйлестіріп, оларды адами тәжірибені күшейтуге бағыттайды. Бастысы — озық технологиялар мен шынайы, жеке қызмет көрсету арасындағы тепе-теңдікті табу.

2025 жылы тамақтану үшін барлық сезім мүшелері қажет болмақ. Ресторандар иммерсивті атмосфера құру үшін интерактивті жарықтандырудан дыбыстық ландшафттарға дейін қамтитын, мультисезімдік тәжірибе жобалауда. Орнықтылық — бұл кеңістіктердің дизайнының бөлшегі, тек экологиялық тұрғыдан таза материалдар мен тәжірибелер қолданылмақ. Осылайша қонақтар озық асханадан да, саналы кеңістіктен де ләззат ала алатын болады. Мысалы, Балидегі W Hotel ресторанында.