Sprinter бренді Кайли Дженнердің бастамасымен, осы заманғы өмір салтына сай өнім жасауға деген ұмтылыс нәтижесінде пайда болды. Модельдің айтуынша, ол сапалы әрі  ойын-сауық кешіне не пикникке оңай алып бара салуға болатын нәрсе жасағысы келген. Sprinter сусынының төрт түрлі дәмі бар: грейпфрут, лайм, шабдалы және қара шие. Әр банкада бар болғаны 100 калория бар, қант қосылмаған. «Бұл — менің ішіп көрген ең дәмді арақ қосылған сода суы, менде тәжірибе жетеді», – дейді Кайли.

Том Холландтың жеке тәжірибесі мен өмір салты BERO алкогольсіз сырасын жасауға шабыт берді. Сұхбаттарының бірінде салауатты өмір салтына көшу оған сыраның дәмін татуға мүмкіндік беретін, алкогольсіз балама жасап шығаруға түрткі болғанын айтқан болатын. BERO — бұл жай ғана алкогольсіз сыра емес, бұл — саналы түрде шешім қабылдау, сондай-ақ салауатты өмір салтына көшу символы. Холланд алкогольдің дәмінен теріс әсерінсіз ләззат алуға ұмтылатын жандардың қажеттілігін ескеріп, оларға сапалы балама ұсынудың маңызына ерекше тоқталады.

Исса Рэй Viarae просеккосының көмегімен шарап жасау саласына деген көзқарасты өзгертуге ұмтылады. Viarae бренді нәсілдік әртүрлілік мәселесіне баса назар аудармайтын индустрияда инклюзивтілік белгісіне айналғанын қалайды. Бренд афроамерикалық мәдениетті шарап жасау саласы аясында қолдауға, сондай-ақ әртүрлілікке толы шарап сүюшілер қауымдастығын құруға ұмытылады.

Papa Salt джині – Марго Робби мен достарының Австралиядан және жағажайдағы кездейсоқ кездесулерден шабыт ала отырып жасаған жобасы. Жасалуы бес жылға созылған джиннің атауы Шри-Ланка жағажайындағы барда кездескен адаммен байланысты екен. Papa Salt Австралияның жергілікті шөптерінен тұратын құрамымен ерекшеленеді, сондай-ақ сатылымынан түсетін пайданың бір бөлігі Үлкен тосқауыл рифін сақтау жұмыстарына бағытталады.

Still G.I.N. — Снуп Догг пен Dr. Dre-нің хип-хоп мәдениетін крафт джині әлеміне әкелген туындысы. Әртістер достығы мен шығармашылық мұрасын айқындайтын сусын жасағысы келген болатын. Still G.I.N. — тек ерекше дәмімен ғана ерекшеленетін джин емес, бұл — жас музыканттарды қолдайтын бренд. Снуп Догг пен Dr. Dre-нің джині мысалында өнім жасап, қоғамдастықтарға қолдау көрсету барысында танымалдықты қалай дұрыс қолдануға болатындығын көруге болады.