Шай ішу дәстүрі көптеген мәдениеттерде терең зерттеліп келеді
Шай мәдениеті әр аймақта әртүрлі ритуалдар, әлеуметтік байланыстарды нығайту және денсаулыққа тигізетін пайдасымен ерекшеленеді. Мысалы, Қытайда шай даосизм, конфуцийшілдік және буддизм пәлсапасымен тығыз байланысты: табиғатқа, тыныштыққа және ой жүгіртуге деген құрметті білдіреді. Шай ішу тәжірибесі ғасырлар бойы дамып, дене мен рухты тыныштандыратын құрал ретінде қарастырылып келеді.
Қазақ дәстүрінде «Шай дастарқаны» жайлылық пен қонақжайлықтың белгісі ретінде бағаланады. Шайдың түр-түсіне байланысты «қызыл шәй», «күрең шәй», «қою шәй», «көк шәй», «сүт қатқан шәй», «қара шәй» деген түрлері бар.
Төменде бағалы, табиғи өнімдер шығаратын брендтер ұсынатын қысқы шайлардың бірнеше түрі берілген: оларды түстен кейінгі демалыс, кешкі астан кейінгі десерт ретінде немесе ұйқыға дейінгі тыныштандыратын сусын ретінде пайдалануға болады.
Қазақстанның қысы құрғақ болуы себепті тері мен тамақтың кеуіп кету ықтималдығы жоғары. Назарыңызға тән мен жанға бірдей нәр беретін ең таңдаулы шай түрлері:
White Peony Tea: Қытайдан шыққан дәмі жұмсақ антиоксиданттарға бай шай. Тері денсаулығын жақсартып, иммунитетті нығайтатын және тыныштандыратын әсері бар; хош иісі жеңіл әрі көтеріңкі көңіл-күй сыйлайды. Мысалы, Mariage Frères бренді ұсынған шай қоспасы кербездік пен салауатты өмірді таңдайтын шай әуесқойларының сүйіктісіне айналған.
Lavender and Rose Tea: қыста ағзаны нәрлендіріп тыныштандырады, физикалық және психологиялық стресті жеңуге көмектеседі. Мысалы, Harney & Sons және Teavana сынды брендтер лаванда мен раушан гүлдерінің жапырақтарын басқа да жоғары сапалы ингредиенттермен үйлестіріп, терапевтік қасиеттерін күшейтетін шай қоспасын ұсынады.
Шаймен бірге тәтті-дәмді ұсыну да әдепке жатады. Мысалы, жаңа шығарылған шай мен талқан не тәтті бауырсақ әдемі үйлесім табады.
Қысқы суықты жеңу үшін аса бағалы шай қоспаларындағы зімбір, кардамон және даршын секілді "жылы" дәмдеуіштер көмекке келеді:
Masala Chai: Париждің танымал шай үйі Mariage Frères өз масала шайында қара шай, даршын, қалампыр мен кардамонды үйлестірген. Суық күндерде сергітіп қуат беретін бұл шай әлем гурмандарының сүйікті шай қоспаларының бірі.
Golden Turmeric Elixir: мәртебелі сапаға деген ұмтылысымен танымал Fortnum & Mason бренді қабынуға қарсы қасиеттері бар куркуманы ағзаға сіңуін арттыру мақсатында қара бұрышпен жұптастырған. Бұл тұтынушыға жайлылық пен жылылық сыйлайтын антиоксидантты қасиеті бар нағыз қысқа арналған шай.